رائعة من روائع/لُوحْ_شُوفْتكْ /الزجل المغربي/للشاعر المتمكن/ رشيد شرقان
#لُوحْ_شُوفْتكْ
لُوحْ شُوفْتكْ عْلَى حَدْ الشُـوفْ
ف دِيكْ الرغْية منْ دَاك النُـوْحْ
وڤُول لليل : يا ليلْ رُوحْ
جي . . بْلا ڤَمْرَة بلا نجوم . .
بْلا مشبُوحْ . .
راه د العالمْ اتعرَى غَطّيهْ . .
لوحْ شُوفْتكْ . . تسمع نينْ لعداب
طالَـع يْلَحقْ من تحت رْدمْ لَخْرابْ
شلا كسداتْ بلا رُوحْ
ذا مجروح . .
ولاخُرْ امشلّل مطروحْ
ذا يْبرِّيوْ عنّو حبابو
ولاخُر حْبَابُو تبكِيهْ
رشيد شرقان
Commentaires
Enregistrer un commentaire