زجل رائع /*** سر الحروف ***/للشاعر المغربي /سعيد هجري موسى

**** سر الحروف *****

الحروف مٓسك للذات والروح 

عطور لشلا ݣلسـات و نيوف

تركٌٓب وتراري ودعدع وطوف 

 باجراف و كهـوف الكاشوش 

مْركبة مرة مٓحنة و مرة فشوش 

ومرة تكون سم حديد وسيوف

الحروف سر في كفن ملفوف 

ف حرير الهبال ملوي مدسوس

الحروف عشق ف الݣلب مغروس  

واللي كذٌب يفتح بعينو و يشوف 

الحروف وجه غامض و مكشوف 

تقراه مرة ضحكة ومـرة دمعة 

و مرة قرصة و مرة فݣعة 

و تارة سراب على حد الشوف 

ومرة عطفة ومرة غدر و خوف

ومرة حلاسةو لويݣة من الصوف  

ومرة شهدة ومرة لسعة فالجوف

 ومرة شحمة ف كر(ش)المعلوف

الحروف حال ما يحتاج حلوف 

ما يحس بالحال غير مول الحال

ذاك المخبوط بمزود العطفة و الهبال

سعيد هجري موسى

/ بوزنيقة